وحدة

                                                 

- عرفت انك بتحب تكون لوحدك كتير.

* وإيه المشكلة؟

- الوحده معناها .. هروب .. خوف . تعب من الدنيا واللي فيها.

* مينفعش يكون تفكير؟؟.

-بيكون تفكير بس  بالسلب ..وإلا ايه اللي يخلي الواحد يقفل على نفسه ويعتزل الناس؟.

* بيعتزل الناس عشان يفكر .. بس مش شرط بالسلب .. ممكن يكون بيرتب أولوياته من جديد ... بينظم حياته .

- طيب ما يعمل ده وهو مع الناس .

*الناس ديما ف الحالة دي بتشوفك عاجز عن التفكير .. لازم يقدمولك نصيحة وخبرة سنين حتى لو مش هتطلبها

-فرض رأي؟؟

* فرض خير بس بتوقيت غلط.

-الانعزال هيصبح عادة.

*دا يحصل لو انعزالك حجة للبعد.

- ودا ايه؟

*دا راحة عشان تكمل. 

إيمان أبو غزالة